Women Artists Celebrate Mandela

Zim's got talent vanhuwe. Kune vanasikana vane zvipo.  Raiva jekerera vanoimba, vanodetemba, vadzani, vemitambo yemadrama,  Zvandakawona kuSistaz Open Mic musi weMugovera, aiva makuwerere.  Vaimbi vanoti Pierra Kel Rodgers(Makondora), Cynthia Mare, Fortunate Matenga uyo anozivikanwa nokunzi Sister Flame, Maria Vera Chisvo, Thelma Boetrrich, D-Blok, Yolanda Hassan, Sharon Ndlovu: mudetembi Mazvita 'Younique' Gwangwadza: mudzani Caroline "Redruff Rider" Maburutse, vose ava vakaratidza unyanzvi hwavo nemugovera pamberi pegungano revanhu vanodarika zana nekuraudzira.

Redruff Rider: PHOTO BY JULIA BRENNAN

Maria Vera Chisvo: PHOTO BY JULIA BRENNAN

D-Blok with Interface: PHOTO BY JULIA BRENNAN

Caroline Masawi: PHOTO BY JULIA BRENNAN

Dudu & Uzanele Manhenga: PHOTO BY JULIA BRENNAN

Poet Mazvita Younique Gwangwadza:PHOTO BY JULIA BRENNAN

Sharon Ndlovu: PHOTO BY JULIA BRENNAN

 

Pakazoti pauya chimhandara Tanyaradzwa Tawengwa aiwa ungazotii kudini.  Tanyaradzwa uyo ari pazororo kubva kuPrinceton University ari kushanya kwemwedzi uno waChikumi akaratidza unyanzvi pakuridza keyboard nekushaura.  Raiva bira remafaro nechiitiko chaakadaidza kuti "Songs of Freedom" achitsigira Sistaz Open Mic yaipemberera upenyu hwaNelson Mandela.  Aiva akatsigirwa nemhuri yekwake izvo zvinova tinokuridzira zvikuru.

 

Tanyaradzwa Tawengwa: PHOTO BY BATSIRAI E CHIGAMA

Tanyaradzwa Tawengwa: PHOTO BY BATSIRAI E CHIGAMA

Tanyaradzwa Tawengwa akatsigirwa nasekuru vake

 

Shem, manga musipo? Chitaurirwa mbare dzekumusana.  Ngatisanganezve musi wa17 Nyamavhuvhu patinenge tichirangarira magamba omuno.

Ndini wenyu
ndichinyorera chirongwa FLAME
Muzvare Batsirai E Chigama